Dungkap Ramadhan, Pemkab Nyemak Regi Sembako

Sleman, www.jogjatn.tv Kangge mangertosi pasudiyan lan regi bahan pangan, dungkap Ramadhan, petugas dinas Pemkab Sleman, dinten Rebo (1/6) enjing, nyemak regi sembako dhateng Peken Tradisional Godean, Sleman.

Miturut sawetawis kadang bakul Peken Tradisional Godean, dungkap Ramadhan pasudiyan bahan pangan cekap dene pasokanipun ugi rancag. Awit saking punika, regi sawetawis komoditas bahan pangan popog. Uwos I-R 36 reginipun RP.8.500,00 saben kilo, lisah goreng reginipun RP.12.500,00 saben liter, lombok rawit Rp.20.000,00 saben kilo dene regi daging lembu popog Rp.120 ewu saben kilo. Kosok wangsulipun, samangke regi daging ayam mindhak, sakawit Rp.29.000,00 mindhak dados Rp 32.000,00 saben kilo.

Salebeting kalodhangan ingkang sami, Bulog DIY, ugi nggelar Operasi Pasar Sembako ing Peken Godean. Miturut Petugas Pemasaran Bulog DIY, Petrus Yosep Pratikto, operasi pasar dipun tindakaken kangge nyemak pasudiyan lan regi sembako, dungkap Wulan Siyam samangke.

Miturut Petrus, operasi pasar badhe dipun tindakaken sadanguning sewulan dhateng peken- peken tradisional ing wewengkon. ( Subardi )

Artikel Terkait

Bakti Seni Masyarakat

02 Juni 2016 10:29

Merti Dusun Surobayan Hadirkan 10 Gunungan

01 Juni 2016 15:08

Permintaan Gas Melon Meningkat Drastis

31 Mei 2016 10:01

Pengemudi Avanza Maut Terancam Hukuman 6 Tahun Penjara

31 Mei 2016 10:00