Seminar Panggih Penganten Gagrag Ngayogyakarta

Sleman,www.jogjatv.tv Paguyuban Paes Manten Sekar Sedah Ngayogyakarta, dinten Rebo enjing (1/6) ngadani Seminar Panggih Penganten Gagrag Ngayogyakarta, mapan ing Joglo Mlati,Sleman. Seminar dipun estreni atusan juru paes lan panatacara sa DIY. Ancasipun kangge suka seserepan bab pepakem Upacara Panggih Gagrag Ngayogyakarta.

Miturut ketua panitia seminar, Pascalia Endah Rahwati, gadhah gagasan nggelar Seminar Panggih Penganten Gagrag Ngayogyakarta awit ngantos samangke para juru paes dereng pana bab pepakem Upacara Panggih Gagrag Ngayogyakarta dene ingkang paring pangandikan salebeting seminar inggih empu paes,Bawuk Sumiyati.

Cundhuk pepakemipun, tata rakiting Upacara Panggih Penganten Gagrag Ngayogyakarta wonten 9-10 rambahan, kawiwitan srah-srahan sanggan, mbucal kembar mayang dhateng prosekawan margi kangge tolak balak, mbalang gantal, mijiki suku penganten priya, kacar kucur, dahar klimah lan mapag besan. Menawi tata rakiting upacara leres badhe ndayani swasana upacara langkung tidhem.Lampahing seminar dipun regengaken pagelatan Tari Bondan. ( Purwanto )

Artikel Terkait

Sadranan Kalibulus

02 Juni 2016 10:37

Kirab Budaya Sadranan Jaranan

02 Juni 2016 10:35

Festival Lan Lomba PK-LK

02 Juni 2016 10:34

Dungkap Ramadhan, Pemkab Nyemak Regi Sembako

02 Juni 2016 10:30