Seminar Kematian Ibu
Kota Yogyakrta, www.jogjatv.tv Mengeti hari kartini (PKBI ) DIY nggelar diskusi publik sesirah kematian Ibu, Fakta Tak Bisa Diabaikan mapan ing kampus UIN Sunan Kalijaga Yogyakarta. Diskusi dipun gelar awit kadereng raos prihatos dhateng angka kematian ibu ing Indonesia ingkang nggayuh 359 per 100.000 tundhanipun Indonesia dereng saged mujudi MDG,s taun 2015 102 per 100.000.
Miturut salah satunggaling narasumber, Inayah Rohmaniah,maneka perkawis ingkang njalari tilaripun ibu ing Indonesia. Miturut panaliten ing Kabupaten Gunungkidul lan NTB jalaran andhapipun tingkat pendidikan lan kalodhangan pakaryan ingkang njalari para kenya milih emah-emah . Awit saking punika asring dumados pernikahan dini lan betah dispensasi. Miturut data Dinas Kesehatan DIY taun 2015 ing Sleman wonten 132 permohonan dispensasi perkawinan usia anak dene ing Kabupaten Bantul wonten 70, ing Kabupaten Kulonprogo 45, Kabupaten Gunungkidul 108 pemohon lan Kota Yogyakrata 45. Kawontenan kasebat asring nuwuhaken perkawis ing bale wisma antawisipun tingkat perceraian tinggi, kemiskinan sarta kesehatan reproduksi ingkang njalari tilaripun ibu babaran. Kajawi maneka bab wau kathahipun ibu ingkang tilar donya awit nandhang sesakit kanker servik sarta pangaribawa aborsi .
Kangge nyuda angka kematian ibu lan bayi betah kawigatosan maneka pehak pemerintah lan masyrakat sarta penggiat sosial. Awit saking punika sosialisasi tumrap rumaja putri punapa dene ibu muda saderengipun mbobot kedah dipun grengsengaken supados para ibu samekta lair batin anggenipun mbobot kalebet kanthi ndayakaken bidan desa. ( Purwanto )
Artikel Terkait
Berita Terbaru
