Jalan Sehat Pengetan Hari Buruh

Sleman, www.jogjatv.tv Nuhoni janjinipun, salebeting mengeti May Day utawi Hari Buruh Sedunia, para buruh saking sawetawis perusahaan ing Sleman boten badhe unjuk rasa. Awit saking punika, para buruh tumut kridha jalan sehat lan bakti sosial donor darah.

Jalan sehat pengetan Hari Buruh Sedunia ing Kabupaten Sleman boten namung dipun estreni dening para buruh kemawon nanging ugi para pengusaha lan pejabat Pemkab Sleman. Pasarta jalan sehat dipun bidhalaken dening Bupati Slema, Sri Purnomo ing Lapangan Beran. Miturut Ketua Serikat Pekerja Seluruh Indonesia (SPSI) Kabupaten Sleman, Legowo, sengaja ngadani kridha jalan sehat lan donor darah salebeting pengetan Hari Buruh awit kridha kasebat langkung migunani tinimbang demo. Kacihna demo pengetan Hari Buruh, ngantos samangke boten nate pikantuk tanggapan gumathok kosok wangsulipun kepara kathah karyawan, ingkang dipun pecat satemah nuwuhaken kapitunan tumrap karyawan punapa dene pengusaha. Awit saking punika, buruh ing Sleman mufakat, saben mengeti hari buruh boten ngadani unjuk rasa.

Bupati Sleman, Sri Puromo nyengkuyung pengetan Hari Buruh kanthi kridha jalan sehat lan donor darah kasebat awit sakelangkung migunani lan ndayani tentreming swasana. ( Subardi )

Artikel Terkait

Hardiknas Kanthi Budaya Jawa

03 Mei 2016 08:49

Sujud Syukur Sambut Kebebasan 10 WNI

03 Mei 2016 08:46

Sensus Ekonomi 2016

03 Mei 2016 08:45

Polisi Bekuk Pelaku Penembakan di Banguntapan

03 Mei 2016 08:43