Lomba Jemparingan Mataraman
Sleman, www.jogjatv.tv Kalih atus selangkung atlet jemparingan saking DIY lan Jawa Tengah, mupu lomba Jemparingan Mataraman ing Lapangan Denggung Sleman, dinten Minggu (1/5) enjing. Lomba Jemparingan Mataraman dipun adani dening Persatuan Perpanahan Indonesia (Perpani) Kabupaten Sleman. Lampahing lomba dipun kepyakaken dening Bupati Sleman, Sri Purnomo lan Ketua Perpani Sleman, Joko Marhendarto, kanthi ngeburaken dara. Pranatan ingkang kedah dipun tuhoni dening para pamupu lomba inggih, tumrap priya kedah ngangge busana surjan jangkep dene pamupu wanita kedah ngangge kebaya. Miturut Ketua Perpani Sleman, Joko Marhendarto, kridha kasebat mengku ancas kangge ngregengaken pengetan ambal warsa sa abad Kabupaten Sleman sarta kangge njurung raos tresna masyarakat dhateng olahraga jemparingan.
Sawetawis pamupu lomba, mratelakaken remen dhateng olahraga Jemparingan Mataraman awit ndayani tumrap kasarasaning badan sarta kangge ngulinakaken raos sabar lan weninging penggalih kajawi punika kanthi ngangge busana adat dados kalodhangan kangge memetri kagunan budaya adiluhung tilaranipun leluhur.
Awit saking punika, para muda greget kaajab greget gladhen olahraga jemparingan awit badhe ndayani tumrap pribadhi ingkang trapsila.(Subardi)
Artikel Terkait
Berita Terbaru
