Petani Wurung Nanem Sata

Klaten, www.jogjatv.tv Kawontenan cuaca ingkang boten gumathok, njalari petani sata ing Kabupaten Klaten rumaos was sumelang. Petani ingkang sampun ndeder bibit sata, wurung nanem sata, awit pategalan kembeng toya, satemah nandhang kapitunan kathah.

Salah satunggaling petani sata ing Desa Katekan,Kecamatan Gantiwarno,Klaten, Ponimandela mratelakaken namung pasrah dhateng kawontenan jalaran wurung nanem sata dene bibit sata ingkang dipun deder umuripun sampun 55 dinten, kamangka kedahipun dipun tanem nalika umur 40 dinten pramila samangke sampun kasep.

Jalaran wurung nanem sata, petani nandhang kapitunan Rp.2 yuta - Rp.5 yuta. Kangge nyuda kathahing kpitunan, para petani badhe olah tetanen malih menawi cuaca sampun gumathok. ( Purwanto )

Artikel Terkait

Operasi Pasar Sembako

20 Juni 2016 14:49

Omset Perajin Sarung Goyor Mindhak

20 Juni 2016 14:46

Mbah Guno Seda

20 Juni 2016 14:43

Dungkap PPDB, Mratah Spanduk Promosi Sekolah

20 Juni 2016 14:42