Mbah Guno Seda

Kota Yogyakarta, www.jogjatv.tv Pelawak kaloka saking Ngayogyakarta, Kanjeng Raden Tumenggung (KRT)Susanto Guno Prawiro utawi Mbah Guno, seda. Layon pelawak yuswa 88 taun punika, dipun leremaken sedinten ing griya duhkita, Wijilan,Gondokusuman , Ngayogyakarta.

Wiwit enjing atusan warga dhateng griyanipun KRT Susanto Guno Prawiro kangge asung bela sungkawa.

Pelawak alumni teknik sipil UGM punika, seda dinten Rebo (15/6) lan mondhok ing Rumah Sakit PKU Muhamadiyah Ngayogyakarta 15 dinten. Swargi Mbah Guno inggih pelawak sarta seniman ketoprak kaloka, ingkang ugi Dosen Pelawak Sepisanan ing Istitute Sini Indonesia.

Layonipun Mbah Guno, dipun sarekaken, dhateng kompleks pasareyan seniman ing tlatah Imogiri, Bantul, dinten Kemis (16/6) siyang.

Swargi Mbah Guno dipun paringi tandha pangalembana minangka Budayawan Seniman dening Sri Sultan Hamengkubuwono IX taun 1984. Mbah guno nilar putra 9 , wayah 15 lan buyut 2. ( Fauzan Ahmad )

Artikel Terkait

Dungkap PPDB, Mratah Spanduk Promosi Sekolah

20 Juni 2016 14:42

Terminal Giwangan Siap Layani Pemudik

17 Juni 2016 10:10

Polisi Gencarkan Razia Petasan

17 Juni 2016 10:08

Petugas Gabungan Sidak Garasi Bus AKAP

17 Juni 2016 10:07