Omset Perajin Sarung Goyor Mindhak

Magelang, www.jogjatv.tv Welingan perajin sarung goyor, ing kitha magelang, wulan romadhon samangke mindhak satus persen . Industri tenun ingkang madeg taun 1949 punika, ngantos samangke nanjakaken Alat Tenun Bukan Mesin (ATBM) pramila produksinipun winates. Sarung goyor inggih sarung ingkang sae mutunipun lan ageng pengaos seninipun, bahan bakunipun benang sutra lan katun. Satunggaling industri sarung tenun ingkang ngantos samangke nanjakaken alat tenun bukan mesin punika, dumunung ing Kelurahan Potrobangsan, Kecamatan Magelang Utara , Kota Magelang. Miturut perajin sarung goyor, Umar Saleh, kangge damel sarung goyor betahaken wekdal setengah wulan. Pandamelipun kapetang njlimet, kedah temen, permati lan sabar. Sarung goyor langkung unggul tinimbang sarung sanesipun awit anyep , alus , motifipun nyleneh lan produksinipun winates.

Sarung goyor padatan dipun agem dening para ulama , pengusaha lan para priya ing Nagari Timur Tengah dene Wulan Romadon samangke, welingan sarung goyor mindhak 100 persen tinimbang dinten padatan.

Jalaran produksinipun winates pramila saben Wulan Siyam, ekspor sarung goyor dhateng nagari Timur Tengah lan Afrika dipun kendeli, supados saged nyekapi kabetahan salebeting nagari. ( Yuki Pramudya )

Artikel Terkait

Mbah Guno Seda

20 Juni 2016 14:43

Dungkap PPDB, Mratah Spanduk Promosi Sekolah

20 Juni 2016 14:42

Terminal Giwangan Siap Layani Pemudik

17 Juni 2016 10:10

Polisi Gencarkan Razia Petasan

17 Juni 2016 10:08