PDAM Nanggel Pasudiyan Toya Cekap

Sleman, www.jogjatv.tv Wiwit tumapak Wulan Romadhon, kabetahan toya masyarakat saking Perusahaan Daerah Air Minum (PDAM) Sleman mindhak. Miturut data kantor PDAM Sleman, kabetahan toya Warga Kabupaten Sleman, 640 ewu meter kubig saben dinten dene wiwit tumapak Wulan Romadhon mindhak dados 704 ewu meter kubig saben dinten, utawi mindhak 10 persen tinimbang dinten padatan. Miturut pandugi dungkap lebaran benjing, kabetahan toya badhe mindhak 15 persen, utawi 736 ewu meter kubig saben dinten. Sinaosa makaten, Direktur PDAM Sleman nanggel, saged nyekapi kabetahan toya masyarakat awit ngantos samangke PDAM Sleman taksih gadhah tandhon toya 30 liter perdetik. Amrih ilining toya rancag, sadanguning Wulan Romadhon, PDAM Sleman gantos pompa toya ingkang ageng. Dwi Nurwata, ugi ngajab supados pelanggan ngginakaken toya sacekapipun.

Kajawi kabetahan toya mindhak, sadanguning Wulan Romadhon, wekdalipun warga anggenipun nanjakaken toya ugi ewah, wanci jam 16.00 WIB – jam 22 WIB sarta wiwit jam 02.00 WIB - jam 08.00 WIB. ( Subardi )

Artikel Terkait

Polres Tangkap 6 Pelaku Perusakan Mini Cafe

15 Juni 2016 16:25

Polda DIY Tangkap Pelaku Penculikan Gadis

15 Juni 2016 16:24

OP Bulog Tak Tepat Sasaran

15 Juni 2016 16:23

Harga Daging Sapi Stabil

15 Juni 2016 16:21