Lomba Miru Lan Sesorah Pelajar SD

Sleman, www.jogjatv.tv Kangge ngregengaken ambal warsa sa abad Kabupaten Sleman, Pemerintah Kecamatan Depok, nggelar maneka lomba, antawisipun lomba miru, ngadi busana lan sesorah tumrap pelajar SD.

Lomba dipun estreni dening sawetawis siswa Sekolah Dasar sa Kecamatan Depok, mapan ing Pendhapi Kecamatan Depok, Sleman, dinten Rebo (11/5) enjing. Tumrap pamupu lomba ingkang anggenipun ngadi busana kirang trep, salajengipun dipun wuruki dening dewan juri bab tata cara ngadi busana adat ingkang leres sarta werdinipun. Salebeting kalodhangan kasebat ugi dipun gelar lomba sesorah tumrap siswa Sekolah Dasar sa Kecamatan Depok.

Miturut Kasi Kesejahteraan Rakyat, Kecamatan Depok, Trijoko Saptono, ancasipun nggelar lomba miru, ngadi busana lan sesorah tataran SD kangge kangge njurung raos tresna lare dhateng busana adat ngiras kangge memetri budaya adiluhung tilaranipun leluhur. ( Subardi )

Artikel Terkait

Digitalisasi Arsip

13 Mei 2016 08:52

Syukuran Pande Besi Dusun Kajar

12 Mei 2016 14:41

Batik Canting Mas Angkat Perekonomian Warga Kebondalem Kidul

11 Mei 2016 14:33

Wajan Raksasa Badhe Dipun Titi Priksa

04 Mei 2016 15:19