Kirab Budaya Mbah Karyo

Sleman, www.jogjatv.tv Atusan warga Desa Sardonoharjo Ngaglik Sleman , mlempak dhateng dhusun Candi Dukuh kangge mengeti ambal warsa kaping 68 taun Desa Sardonoharjo. Pengetan ambal warsa samangke dipun regengaken kirab budaya sesirah Mbah Karyo.

Saderengipun kirab, bregada saking 18 padhukuhan sa Desa Sardonoharjo dipun bidhalaken dening Bupati Sleman, Sri Purnomo, ing Dhusun Candi tilas Kantor Desa Sardonoharjo . Kanthi pawadan babagan administrasi kantor desa lajeng dipun boyong dhateng Dhusun Ngebel Gede,Jalan Kaliurang kilometer sanga koma gangsal .

Irah-irahing kridha inggih Manungkul Ing Manembah Temen Ing Karyo Memetri Budaya utawi Mbah Karyo . Kridha kasebat inggih perangan sejarah desa lumantar gumelaring seni, budaya lan kaskaya desa ingkang kaajab lestari ngantos ing tembe .

Cucuk lampah kirab inggih Bregada Bedhol Songsong Pradito dene lampahing kirab dipun regengaken maneka kridha seni lan budaya bidhal saking bale desa lami tumuju bale desa ingkang enggal. ( Heri Susanto )

Artikel Terkait

13 KK Bidhal Transmigrasi

13 Desember 2016 11:38

Polres Bongkar Sindikat Curas Dengan Modus Bius

08 Desember 2016 13:38

Larangan Membawa HP dan Kamera Saat Gunakan Hak Pilih

08 Desember 2016 13:36

Kios Pasar Kayu Terbakar

08 Desember 2016 13:35