Warga Juwangen Natalan
Sleman,www.jogjatv.tv Kerukunan antar umat beragama, ing padukuhan Juwangen RT satunggal, RW Satunggal, Desa Purwomartani, Kecamatan Kalasan Sleman, boten namung dados sesanti kemawon. Sampun 20 taun, warga wewengkon kasebat, mengeti hari besar keagamaan sesarengan.
Natal bersama, ing padukuhan juwangen RT Satunggal, RW Kalih, Desa Purwomartani, Kecamatan Kalasan, Sleman, boten namung dipun estreni dening Umat Kristiani kemawono, nanging ugi dipun estreni dening Umat Islam. Natalan kawiwitan kanthi nyumet lilin, dening tokoh Umat Katolik, tokoh umat kriten lan tokoh umat islam, padukuhan juwangen. Kangge ngregengaken natalan, umat muslim nyanyi sesarengan dhateng panggung.
Miturut ketua panitia, paul atanta, kamanunggalan salebeting pengetan hari besar keagamaan, sampun dipun tindakaken sadanguning 20 taun. Nalika umat islam mengeti hari besar keagamaan, Umat Kristiani tumut dados panitia, kosok wangsulipun, nalika natalan ugi ndayakaken Umat Muslim.
Sawetawis Umat Islam mratelakaken remen tumut natalan, awit dados kalodhangan kangge nyupeketaken kekadangan ing antawisipun pangrasuk agami.
( Subardi )
Artikel Terkait
Berita Terbaru
