Ringgit Ulam
Magelang, www.jogjatv.tv Salah satunggaling seniman ing Magelang, Jawa Tengah, ngripta ringgit, ingkang gatranipun maneka jinis ulam. Elokipun, pegelaran ringgit ugi dipun tindakaken dhateng lepen, ancasipun kangge ngajak masyarakat, supados greget njagi ekosistem lepen.
Satunggaling dhalang warganing komunitas lereng gunung merapi merbabu, Sujono Keron, ngadani pagelaran ringgit dhateng lepen tangsi pereng pareden menoreh, dhusun pongangan, desa sidomulyo, kecamatan salaman, kabupaten magelang. Pagelaran ringgit boten methik cariyos mahabarata, nanging nyariyosaken kawontenan sato ing lepen ingkang was sumelang jalaran gesangipun kaancam awit tumindaking manungsa ingkang boten tanggel jawab. Sujono Keron, gadhah gagasan ngripta ringgit ulam kangge ngajak masyarakat supados tumemen njagi ekosistem lepen.
Pagelaran ringgit ulam narik kawigatosan masyarakat, awit dados langkung pana caranipun njagi lestarining lepen.
Pagelaran ringgit ulam, dados kalodhangan kangge ndunungaken masyarakat supados gadhah kesadaran njagi ekosistem lepen, lan pados ulam kanthi cara ingkang leres.
( Yuki Pramudya )
Artikel Terkait
Berita Terbaru
