Uji Kompetensi Tenaga Trampil Kapepalang Anggaran

Bantul, www.jogjatv.tv Lampahing Masyarakat Ekonomi Asean dados kalodhangan mlebetipun tenaga karya ingkang trampil saking Asia kangge makarya dhateng nagari-nagari Asean.,Makaten ugi tenaga karya saking Indonesia. Wontenipun sertifikat tenaga terampil, badhe gampilaken pados pakaryan dhateng ngamanca. Emanipun, cacahing tenaga terampil bersertifikat taksih winates.

Miturut Kepala Dinas Tenaga Kerja dan Transmigrasi Bantul,Susanto,ngantos samangke pehakipun dereng saged ndhatengaken lembaga sertifikasi tenaga terampil tumrap calon tenaga karya ing Bantul. Awit winatesipun anggaran dinas namung saged paring sertifikat dhateng 100 tenaga kerja terampil ing taun 2016 punika kamangka yektinipun wonten ewonan tenaga kerja terampil lulusan Balai Latihan Kerja punapa dene Lembaga Pendidikan Kerja ingkang dereng gadhah sertifikat kasebat. Kawontenan kasebat njalari kalodhangan pakaryan winates kamangka kedah rebat unggul kaliyan tenaga kerja terampil bersertifikat saking wewengkon sanes kepara ngamanca.

Miturut Susanto kangge ndhatengaken lembaga sertifikasi , betahaken wragat kathah, awit dunungipun wonten Jakarta lan Surabaya. Awit saking punika Susanto ngajab supados tumuli kadhapuk lembaga sertifikasi ing Ngayogyakarta kangge nyuda wragat sertifikasi tenaga terampil. ( Anang Zainuddin )

Artikel Terkait

Siswa SD Ngimpun Rendana Kangge Korban Lindhu Ing Aceh

13 Desember 2016 11:45

Peken Baledono Dipun Rebahaken

13 Desember 2016 11:42

Kirab Budaya Mbah Karyo

13 Desember 2016 11:40

13 KK Bidhal Transmigrasi

13 Desember 2016 11:38