Terjemahan Al Quran Mawi Aksara Jawa

Solo, www.jogjatv.tv Museum Radya Pustaka ing Kitha Solo,Jawa,Tengah inggih gadhah maneka koleksi pustaka ingkang wigati lan umuripun sampun atusan taun. Salah satunggal koleksi Museum Radya Pustaka kasebat inggih terjemahan Al Quran mawi basa jawa lan dipun serat kanthi aksara jawa. Wonten tigang jilid terjemahan Al Quran kasebat ingkang saben jilid ngemot 10 juz.

Terjemahan Al Quran punika inggih wohing pakaryanipun Kyai Bagus Ngarpah, dene carikipun inggih Ki Rono Suboyo ingkang kalajengaken dening Ngabehi Pustaka. Panyerating terjemahan punika nalika jamanipun Sri Susuhunan Pakubuwana X, antawis taun 1893 – 1939.

Boten kathah ingkang mangertosi dhateng koleksi langka punika awit awis-awis dipun wedalaken dene anggenipun ngedalaken inggih nalika wonten penelitian dening mahasiswa utawi kangge kabetahan akademis sanesipun. ( Heru Kristianto )

Artikel Terkait

Tas Tikar Kreasi Mahasiswa UNY

29 Juni 2016 10:13

Perajin Kripik Welut Kelarisan

29 Juni 2016 10:11

FKUB, Buka Siyam Sesarengan

29 Juni 2016 10:09

Truk Dilarang Beroperasi Mulai H-7

28 Juni 2016 14:28