Sanggar Studio Biru

Sleman, www.jogjatv.tv Kawitanipun dados papan kangge mulihaken psikologi lare korban lindhu taun 2006. Samangke Sanggar Studio Biru ngrembaka dados kapustakan tumrap Warga Dhusun Sengir,Sumberharjo,Prambanan,Sleman. Wontenipun sanggar berbasis perpustakaan punika, wigati kangge njurung pangrembakaning lare. Maneka koleksi buku sumbangan saking para donatur, dipun tanjakaken kangge nggegulang ngelmi tumrap lare kajawi pendidikan ing sekolah.

Sanggar boten namung piguna tumrap lare-lare nanging ugi tumrap sedaya warga dusun. Kajawi cumawis maneka koleksi buku, sanggar ugi jinangkepan internet.

Wiwit madeg, nembe setaun punika, pikantuk kawigatosan saking pemerintah kanthi ngidini maneka kridha ingkang dipun gelar. Sanggar inggih griya kaping 2, tumrap lare kangge ndayakaken kasagetan salebeting kridha olah seni, maos lan literasi amrih dados lare ingkang mumpuni. ( Hari Atmaja )

Artikel Terkait

Pasar Murah, Kangge Ngenteng-Entengi Sesanggan Warga

22 Juni 2016 19:27

Budaya Kedah Dipun Pepetri

22 Juni 2016 19:26

Sedaya Kecamatan Nggelar Pasar Murah

22 Juni 2016 19:24

Produsen Slondok Panen Welingan

22 Juni 2016 19:23