Pasar Murah, Kangge Ngenteng-Entengi Sesanggan Warga

Klaten, www.jogjatv.tv Minggu kaping tiga Wulan Romdhon,regi komoditas pangan mindhak kepara popog awis. kawontenan kasebat njalari warga kawratan nyekapi kabetahan padintenan.Kanthi ancas kangge ngenteng-entengi sesangganing warga, Pemerintah Desa Jonggrangan lan Muspika Kecamatan Klaten Utara tembayatan kaliyan warganing DPR RI sarta salah satunggaling Bank BUMN ngadani pasar murah, nyade paket sembako pengaos Rp.80.000,00 kanthi regi Rp.40.000,00 isi uwos, gendhis pasir lan lisah goreng. Miturut Camat Klaten, Utara Endang Widowati sedaya barang ingkang dipun sade langkung mirah tinimbang regi ing peken kangge ngenteng-entengi sesanggan masyarakat awit mindhakipun regi kabetahan baku ing Wulan Siyam samangke.

warga mratelakaken kabiyantu awit gumelaring pasar murah samangke. Lan ngajab,supados pasar murah sageda dipun gelar kanthi ajeg. ( Haryadi )

Artikel Terkait

Budaya Kedah Dipun Pepetri

22 Juni 2016 19:26

Sedaya Kecamatan Nggelar Pasar Murah

22 Juni 2016 19:24

Produsen Slondok Panen Welingan

22 Juni 2016 19:23

Lepen Dulang Mbludag, Puluhan Hektar Sabin Kembeng Toya

22 Juni 2016 19:21