Rombongan Kirab Jihad NU dumugi Klaten

Klaten, www.jogjatv.tv Kangge mahargya Hari Santri Nasional, wiwit tanggal 13 Oktober, 80 santri NU, ngadani kirab bidhal saking Banyuwangi, tumuju Jakarta. Ing dinten kaping 5, rombongan kirab dumugi Klaten, Jawa Tengah.

Malem Selasa (17/10), rombongan Kirab Resolusi Jihad NU , cacah 80 santri, pinarak dhateng Pondok Pesantren Al Muttaqien Pancasila Sakti. Rombongan dipun tampi dening para santri lan warga NU. Sasampunipun dumugi pelataran pasareyanipun Mbah Lim, Sekretaris Jenderal Pengurus Besar NU, Isfah Abidal Aziz, masrahaken gendera merah putih, gendera Nu lan pataka NU dhateng Pangarsa Ponpes Al Muttaqien Pancasila Sakti, Saifudin Zuhri.

Ketua Tanfidziyah Pimpinan Cabang NU Klaten, Mujiburrahman mratelakaken, tim Kirab Resolusi Jihad NU bidhal saking Banyuwangi tumuju Jakarta sadangunipun 10 dinten, wiwit tanggal 13 ngantos 22 Oktober 2016, nempuh lampah watawis 2.000 kilometer. Ing dinten kaping gangsal, rombongan dumugi tlatah Jawa Tengah, lajeng silaturahim ing Pendhapi Kabupaten Sragen, Ponpes Al-Muayyad Solo lan Ponpes Al Muttaqien Pancasila Sakti Klaten. Pengetan Hari Santri Nasional tanggal 22 Oktober inggih ngleresi Pengetan Resolusi Jihad NU taun 1945. ( Haryadi )

Artikel Terkait

Pigunanipun Kulit Jeram

20 Oktober 2016 11:06

Lomba Masak Aneka Makanan Bahan Lokal

20 Oktober 2016 11:04

Disbudpora Nggelar Festival Dhalang

20 Oktober 2016 11:02

Cuaca Mboten Kantenan, Petani Sata Kapitunan

20 Oktober 2016 11:01