Pigunanipun Kulit Jeram
Yogyakarta, www.jogjatv.tv Jeram inggih jinis uwoh-wohan ingkang dipun remeni dening masyarakat. Jeram ngandhut gizi ingkang kathah inggih punika vitamin c ingkang piguna tumrap badan. Ewa semanten menapa panjenengan mangertos menawi kulit jeram ugi piguna tumrap kasarasan, kangge pengharum ruangan punapa dene kecantikan.
Kulit jeram piguna kangge ngusadani maneka sesakit, antawisipun gangguan pencernaan, padaran mules jalaran maag, bronkhitis lan ngandhapaken bobot badan. Caranipun girah kulit jeram, dipun rajang alit-alit, lajeng dipun damel manisan. Menawi badhe dipun ocal manisan, kulit jeram wau kedah dipun pepe ngantos garing lajeng dipun sukani gendhis sacekapipun.
Ganda kulit jeram tetela piguna kangge aroma terapy pramila piguna kangge relaksasi. Awit saking punika, kulit jeram saged dipun tanjakaken kangge pengharum ruangan. Caranipun ugi gampil kanthi nyumet lilin dhateng kulit jeram. Ganda jeram badhe karaos menawi urubing lilin dipun pejahi. Kulit jeram ugi saged dipun tanjakaken kangge pengharum perabot rumah tangga, antawisipun kulkas lan sepatu.
Supados kulkas wangi, caranipun dhateng sawingking kulkas dipun sebari sarem lan kulit jeram lan kedah dipun gantos kanthi ajeg. Kejawi punika kulit jeram ugi saged ngicali ganda sepatu. Caranipun kanthi nglebetaken irisan kulit jeram dhateng sepatu. (farah nabilla +ikhsan )
Artikel Terkait
Berita Terbaru
