Pikukuhan Satgas Saber Pungli

Sleman, www.jogjatv.tv – Nuhoni dhawuh presiden kangge mbengkas pungutan liar utawi pungli, Gubernur DIY,Sri Sultan Hamengku Buwono kaping sedasa, dinten Selasa (1/11) siyang mikukuhaken Satgas Sapu Bersih Pungutan Liar – Saber Pungli ing Mapolda DIY. Gubernur DIY ngajab, supados satgas tumuli makarya jumbuh dhawuhipun Presiden Joko Widodo.

Satgas Saber Pungli DIY ingkang dipun kukuhaken dening Gubernur DIY warganipun inggih polri, korem, kejaksaan tinggi lan Sekretaris Inspektorat Pemda DIY. Pikukuhan dipun tandani kanthi masang tanda satuan tugas dening Gubernur DIY, Sri Sultan Hamengku Buwono X.

Miturut Sri Sultan Hamengku Buwono X, wonten 4 tugas pokok saking Presiden Joko Widodo tumrap Satgas Saber Pungli, antawisipun tugas intelijen, pencegahan, penindakan lan yustisi. Kangge mbengkas pungli , Sri Sultan ngajab supados kabupaten lan kota ing DIY tumuli mikukuhaken Saber Pungli.

Kapolda DIY, Brigjen Pol Prasta Wahyu Hidayat ngangkah Satgas Saber Pungli DIY rancag kanthi kabiyantu masyarakat, antawisipun nglapuraken kadurjanan dhateng Satgas Saber Pungli DIY, ing Kantor Inspektorat Pemda DIY sauger jinangkepan bukti lan dede fitnah. ( Subardi )

Artikel Terkait

Pemkot Lelang Kendaraan Dinas Lumantar Online

07 November 2016 16:35

Hari Arwah, Umat Katolik Jiarah Kubur

07 November 2016 16:33

Hadeging Kabupaten Purworejo Anut Kajian UGM

07 November 2016 16:31

Data Pertanian Ing Indonesia Dereng Cetha

07 November 2016 16:29