Pemilih Pemula Prayogi Mboten Golput

Kota Yogyakarta, www.jogjatv.tv Amrih tingkat partisipasi pemilih salebeting Pilwali Kota Yogyakarta taun 2017 kathah, Pemerintah Kota Yogyakarta ngadani sosialiasasi pemilihan walikota dan wakil walikota tumrap pelajar.

Sosialisasi Pilwali Kota Yogyakarta dipun tindakaken ing sasela-selaning kridha Giat Napza tumrap pelajar ing Pendhapi Balaikota Yogyakarta. Salebeting sosialisasi ingkang dipun estreni dening 100 siswa SMA-SMK punika suka gambaran bab pemilihan walikota lan wakil walikota wulan Februari 2017 benjing. Wonten ing kalodhangan kasebat, Panwaslu Kota Yogyakarta ngajab para pelajar ingkang sampun gadhah hak pilih lan kalebet pemilih pemula supados ngginakaken hak pilihipun lan mboten golput.

Panwas ugi ngajak para pelajar supados tumut ngawat-awati lampahing Pilwali Kota Yogyakarta. Kiprah pelajar sakelangkung mbiyantu awit cacahing pengawas pemilu ing panwaslu winates. Kajawi punika sosialisasi kados makaten kaajab badhe ndunungaken para pelajar supados menawi mrangguli lampah culika tumuli dipun lapuraken dhateng pehak ingkang kawogan.

Salebeting Pilwali Kota Yogyakarta taun 201, wonten 300 ewu pemilih ingkang saged ngginakaken hak pilihipun dene 16 ewu 250 pemilih ing antawisipun inggih pemilih pemula. (Hari Atmaja)

Artikel Terkait

Pangalembana Geopark Gunungsewu Saking Unesco

11 Oktober 2016 08:37

Pagelaran Sendratari Arahiwang

11 Oktober 2016 08:36

Pagelaran Ringgit Dening 3 Dhalang

11 Oktober 2016 08:34

Jawah deres, taneman pantun kembengan toya

11 Oktober 2016 08:32