Pagelaran Ringgit Dening 3 Dhalang

Purworejo, www.jogjatv.tv Rerangken pengetan ambal warsa kabupaten purworejo ingkang kaping 1.115 taun, dipun regengaken pagelaran ringgit purwa dening tigang dhalang Purworejo. Pagelaran kasebat ugi dipun regengaken dhagelan saking Ngayogyakarta, Yati Pesek, Marwoto lan Ciblek.

Pemkab Purworejo, Jawa Tengah, malem Kemis (5/10) ngadani pagelaran ringgit, kababar dening tigang dhalang, inggih Ki Sunarpo saking Grabag, Ki Andreas Novianto saking Wirun lan dhalang putri Dwi Puspitaningrum, kanthi lampahan Aswotomo Nglandak. Pagelaran ringgit dipun rawuhi dening Bupati Purworejo, Agus Bastian, wakil bupati sarta mantan bupati Kelik Sumrahadi, FKPD, SKPD sarta bebadan ingkang kawogan lan masyarakat. Wonten ing pambagyanipun bupati mratelakaken ancasipun ngadani pagelaran ringgit salebeting pengetan ambal warsa Kabupaten Puworejo samangke kangge nglipur masyarakat sarta kangge memetri kagunan budaya adiluhung. Wonten ing kalodhangan kasebat mantan bupati Kelik Sumrahadi kepareng nembang lagu campursari ingkang tetela damel kesengsemipun pamirsa. ( Pambudi Nugraha )

Artikel Terkait

Jawah deres, taneman pantun kembengan toya

11 Oktober 2016 08:32

Merti Dhusun Nogosari Regeng

11 Oktober 2016 08:30

Sulam Alis

07 Oktober 2016 09:10

Petani Panen Lombok Panen Gasik

07 Oktober 2016 09:09