Pelatihan Wirausaha Tumrap ABK

Bantul, www.jogjatv.tv Ngantos samangke masyarakat taksih ngiwakaken Anak Berkebutuhan Khusus (ABK). Gesangipun ABK dipun anggep tansah gumantung dhateng asanes lan mboten saged mandiri. Kamangka mboten sedaya ABK kedah kabiyantu sadangunipun gesangipun awit menawi dipun galdhi, saged mandiri kados masyarakat limrahipun.

Kangge nggladhi supados ABK , saged gesang mandiri ngiras kangge suka seserepan dhateng masyarakat bab wigatinipun edukasi ABK , Dinas Pendidikan Pemuda dan Olahraga DIY, dinten Selasa (17/1) siyang ngadani pelatihan wirausaha tumrap panandhang autisme lan tunanetra damel tigan asin .

Dekan Fakultas Peternakan UGM , Ali Agus mratelakaken , sengaja gladhi ABK damel tigan asin awit caranipun gampil. Kajawi punika dereng kathah Warga Ngayogyakarta , ingkang damel tigan asin pramila dados kalodhangan pakaryan ingkang bebatheni.

Kepala Sekolah Autis Bina Anggita, Banguntapan, Bantul , Ambarsih mratelakaken, pasarta gladhen kewirausahaan inggih siswa SLB Ing saindhenging DIY tataran SMP lan SMA panandhang autis lan tunanetra. Ancasipun supados sasampunipun lulus saged bikak usaha piyambak. ( Anang Zainuddin )

Artikel Terkait

Pameran Senirupa Ing Tengah Kampung

21 Januari 2017 09:45

Operasi Bibir Sumbing Lelahanan

21 Januari 2017 09:44

PT Angkasa Pura I Ratakan Tanah di Lokasi Pembangunan Bandara

21 Januari 2017 09:42

Polsek Gamping Tangkap Seorang Tersangka Pembacokan Tiga Pelajar

21 Januari 2017 09:40