Nyadran Dipun Regengaken Karawitan

Klaten, www.jogjatv.tv Maneka kupiya dipun lampahi dening warga ing tlatah Klaten, Jawa Tengah, kangge nuwuhaken raos tresna dhateng kagunan seni budaya wewengkon, antawisipun seni karawitan mliginipun tumrap para muda. Salebeting tradisi nyadran , warga Padukuhan Jangkang , Desa Barukan , Manisrenggo, Klaten, ngadani pagelaran seni karawitan dhateng sasanalaya dhusun dene para pengrawitipun inggih warga Padukuhan Jangkang. Miturut ketua panitia sadranan , Suyadi Prasetyo ancasipun ngadani pagelaran karawitan salebeting tradisi nyadran kadereng raos prihatos awit wiranem jaman samangke kirang remen dhateng seni karawitan stpados nresnani kaskaya budaya wewengkon.

Nyadran ing Padukuhan Jangkang dipun gelar kanthi prasaja. Warga mlempak dhateng sasanalaya dhusun, kangge kenduri lajeng dedonga sesarengan dene sasampunipun kenduri, warga rebatan berkat. Miturut salah satunggaling warga,Sri Surasmini,tradisi sadranan tansah dipun antu-antu tumrap warga ingkang sami bebara.

Saderengipun nyadran, warga besik dhateng sasanalaya lan ziarah dhateng pasareyan leluwuripun piyambak-piyambak. ( Haryadi )

Artikel Terkait

Kirab Sadranan Kledokan

05 Juni 2016 16:45

Grengsenging Pariwisata,Dereng Mangaribawani Karaharjan Warga

04 Juni 2016 16:25

Sri Muslimatun Diberhentikan Dari Keanggotaan DPRD

02 Juni 2016 10:52

Pemerintah Akan Tindak Tegas Pedagang Tak Taat Aturan

02 Juni 2016 10:50