Ngocal Uwuh Dados Barang Ingkang Migunani

Solo, www.jogjatv.tv Menawi kreatif, uwuh ingkang asring damel kuwatos masyarakat, tetela saged dipun ocal dados barang ingkang migunani lan ageng pengaosipun. Kadereng raos prihatos dhateng uwuh, Denok Marty Astuti, kanthi nanjakaken bahan baku uwuh, antawisipun plastik, kertas, kardus lan botol bekas. Kanthi daya kreatifitasipun Denok Marty Astuti, Warga Purwosari, Solo, Jawa Tengah, uwuh dipun ocal kangge damel maneka kerajinan ingkang ageng pengaosipun, ngantos yutan rupiyah, gumantung remitipun cara damel.

Kejawi ngajak masyarakat supados greget ngemonah uwuh, lulusan Fakultas Ekonomi Universitas Indonesia punika, ugi ngajak masyarakat supados samekta ngadhepi lampahing Masyarakat Ekonomi Asean kanthi jor-joran salebeting industri kreatif. Awit saking punika, Denok tansah suka seserepan dhateng masyarakat, kangge damel kerajinan saking uwuh.

Awit dipun ayahi kanthi tumemen, industri kreatif ingkang nembe setaun dipun tekuni kasebat, omsetipun nggayuh welasan yuta rupiyah . Kajawi punika, Denok Marty Astuti ugi nampi tandha pangalembana awit kawigatosanipun dhateng uwuh , tataran nasional ngantos Asean. Seminggu kapengker, Denok makili Indonesia salebeting pertemuan pelaku usaha kreatif ing Myanmar. ( Heru Kristyanto )

Artikel Terkait

MEA, Kalodhangan Tumrap Pebisnis Taneman Lokal

22 Januari 2016 19:17

Kampung KB

22 Januari 2016 19:16

Ewonan Warga Tumbas Paket Sembako Mirah

22 Januari 2016 19:15

Warga Eks Gafatar Akan Dikarantina

22 Januari 2016 19:14