Miniatur Masjid Saking Kuweh Kancing

Solo, www.jogjatv.tv Maneka kupiya dipun lampahi kangge mahargya Wulan Suci Ramadhan. Salah satunggaling hotel berbintang ing Solo, Jawa Tengah, mahargya Wulan Ramadhan, kanthi damel miniatur masjid saking kuweh kancing.

Miniatur masjid karakit saking ewonan kuweh kancing lan dipun papanaken dhateng loby satunggaling hotel ing Solo,Jawa Tengah. Cakrik wewangunan ingkang eksotik, kawimbuhan maneka warni ingkang padang, sengaja dipun pilih kangge mahargya wulan Siyam taun punika.

Chief hotel ngantos samangke taksih ngrampungaken miniatur masjid kanthi ngrakit kuwe maneka warni, ngangge lem saking gandum , tanmien lan tigan.

Diameter miniatur masjid, 80 cm dene inggilipun 100 cm, kadamel sadanguning 4 dinten, nanjakaken wolung ewu wungkus kuweh kancing. Kuweh kancing inggih kuweh kering tradisional ingkang gatranipun bunder alit maneka warni.

Ancasipun milih kuweh kancing kangge damel miniatur masjid awit mujudaken tetedhan tradisional ingkang dipun remeni masyarakat sarta kangge nglestantunaken tetedhan tradisional.

Wontenipun miniatur masjid saking kuweh kancing kaajab sageda dados daya tarik tumrap tamu hotel amrih regenging swasana Wulan Ramadhan samangke. ( Heru Kristyanto )

Artikel Terkait

Bakul Kolang-Kaling Kelarisan

09 Juni 2016 10:40

Persiapan Jalur Mudik, Perbaikan Jalan Dikebut

09 Juni 2016 10:39

Penyalahgunaan Narkoba Didominasi Remaja

09 Juni 2016 10:38

Hadapi Ramadhan dan Lebaran, BI Siapkan Uang Tunai Rp 5 Trilyun

09 Juni 2016 10:37