Lomba Pengetan Hari Ibu
Klaten, www.jogjatv.tv — Maneka kridha dipun gelar kangge mahargya pengetan Hari Ibu, dening warganing PKK ing tlatah Klaten, Jawa Tengah , antawisipun Lomba Koor Mars PKK, lagu dolanan, lomba wijik lan lomba masak. Kridha pengetan Hari Ibu ,dipun gelar ing Baledesa Karangduren, Kecamatan Kebonarum, Klaten, Jawa Tengah. Atusan ibu-ibu warganing PKK tumut maneka lomba ingkang dipun gelar. Miturut Ketua PKK Desa Karangduren, Niken Yuliani, lomba kados makaten saweg sepisanan dipun gelar, ancasipun kangge ndhudhah kreatifitas ibu-ibu ing sak sela-selaning ngayahi pakaryan padintenan.
Kepala Desa Karangduren, Muh Marsum nyengkuyung gumelaring lomba lan kaajab dados sumber gagasan kangge nggelar kridha sanes ingkang migunani tumrap para ibu rumah tangga. ( Haryadi )
Artikel Terkait
Berita Terbaru
