Kursi Goyang Rumambah Pasar Nasional

Bantul, www.jogjatv.tv Kreatifitas inggih salah satunggaling bab wigati tumrap satunggaling usaha. Kadosta warga Sewon, Bantul ingkang sukses nekuni usaha damel kursi malas utawi kursi goyang.

Muhammad Iqbal, Warga Pelemsewu, Panggungharjo, Sewon, Bantul , mboten nyana menawi usahanipun majeng kados samangke. Kawitanipun Iqbal Remen ningali TV, linggih dhateng kursi goyang. Salajengipun tuwuh gagasanipun damel kursi goyang ingkang fleksibel lan pengkuh. Kursi damelanipun dipun sade dhateng saindhenging Indonesia lumantar online. Salebeting sewulan, Iqbal kedah ngintunaken 250 ngantos 300 kursi goyang dhateng saindenging wewengkon Indonesia.

Iqbal damel kursi goyang kanthi bahan baku waja lan spons satemah langkung fleksibel lan pengkuh. Kreatifitasipun dipun mangertosi dening kanca-kancanipun lajeng dipun unggah ing media sosial.

Regi kursi goyang damelanipun iqbal kapetang murwat, antawis Rp.220.000,00 Rp.280.000,00 gumantung bahan bakunipun. Kursi kasebat saged dipun tekuk pramila menawi mboten dipun angge saged dipun simpen. ( Anang Zainuddin )

Artikel Terkait

Kirab budaya garebeg semanggi

08 Desember 2016 12:45

Festival Srandhul

08 Desember 2016 10:57

Batik On Street, Nepangaken Bathik Asli Kulonprogo

08 Desember 2016 10:55

Strategi Kebijakan Kependudukan dalam Mengurangi Kemiskinan

05 Desember 2016 09:37