Kuliner Khas Jepang,Takoyaki
Kota Yogyakarta, www.jogjatv.tv Tumrap para sutresna kuliner, prayogi nyobi menu khas Jepang,Takoyaki. Kangge ngrahapi menu kasebat, panjenengan boten kedah dhateng Negeri Sakura awit samangke sampun cumawis ing Kawasan Kuliner Mande, ingkang dumunung ing Jalan Lowanu,Ngayogyakarta .
Takoyaki bahan bakunipun inggih gandum,gurita lan bumbu empon-empon. Wonten maneka jinis Takoyaki ingkang dipun cawiskaen dene reginipun ugi murwat, wiwit Rp.12.000,00 saben porsi. Takoyaki miraos sanget menawi anggenipun nedhi taksih anget. Miturut pengelola wande Takoyaki, Mirna, sampun 3 wulan pungkasan sadeyan kuliner khas Jepang lan samangke saya kathah pelangganipun. Mirna ngajab kuliner Jepang kasebat sageda dipun tampi dening masyarakat lan mimbuhi kaskaya kuliner ing Ngayogyakarta .
Mande Jalan Lowanu boten namung mligi nyawisaken Takoyaki kemawon nanging ugi nyawisaken kuliner sanes ingkang miraos antawisipun ayam taliwang, siomay, mie pangsit sarta angkringan. ( Hari Atm,aja )
Artikel Terkait
Berita Terbaru
