Kraton Kasunanan Surakarta Paring Gelar Bangsawan

Solo, www.jogjatv.tv Rerangken upacara Tingalan Jumenengan Dalem Paku Buwono kaping XIII Hangabehi, kraton kasunanan Surakarta Hadiningrat, paring gelar bangsawan dhateng wolu warga ngamanca, saking Malaysia lan Singapura sarta dhateng 200 tokoh masyarakat. Gelar bangsawan kaparingaken dening Pengageng Kusuma Wandawa,GPH Puger. Warga ngamanca lan tokoh masyarakat ingkang kaparingan gelar inggih ingkang ageng labuh labetipun tumrap pangrembakaning kraton, mliginipun ing babagan perniagaan. Upacara wisudhan dipun tindakaken ing Sasana Handrawina sineksen Putra-putri Dalem Paku Buwono XIII, antawisipun Gusti Kanjeng Ratu Wandansari. Salebeting kalodhangan kasebat, pehak Malaysia paring bantuwan redana gunggung 30 yuta rupiyah lan bantuwan sembako dhateng para abdi dalem kraton. (Sazadi Abdilah)

Artikel Terkait

Kepyakan TMMD Sengkuyung Tahap I

04 Mei 2016 15:11

10 PAUD Nampi Akte Badan Hukum

04 Mei 2016 15:09

Tim Appraisal Mulai Survei Bidang Calon Bandara

04 Mei 2016 15:07

Sejumlah Guru di Gunungkidul Terima Gaji Di Bawah UMK

04 Mei 2016 15:05