Kementerian bumn ngepyakaken balkondes
Magelang, www.jogjatv.tv Nalika pasang sela sepisanan pambangunan Balai Ekonomi Desa -Balkondes ing Desa Tuksongo, Kecamatan Birobudur , Kabupaten Magelang, Jawa Tengah, Menteri Badan Usaha Milik Negara (BUMN) Rini Soemarno, mrateakaken, Presiden Joko Widodo paring dhawuh supados sedaya elemen pemerintah biyantu pangrembakaning papan wisata ing Indonesia. Kangge mujudi gagasan wau, sedaya BUMN tumemen ngrembakaken destinasi wisata lumantar Balkondes. Ngantos samangke wonten 11 desa saking 21 desa ing tlatah Borobudur ingkang sampun jinangkepan Balkondes.
Program Balkondes kaangkah sageda ngindakaken karaharjan masyarakat ing sakiwa tengen candi borobudur sarta ngindakaken wawasan masyarakat minangka pelaku wisata. Menteri BUMN ugi badhe memitran kaliyan Kementerian Desa , Daerah Tertinggal dan Transmigrasi amrih lampahing program Balkondes laras kaliyan program Badan Usaha Milik Desa – BUMDes .
Jumbuh dhawuhipun Presiden Joko Widodo pangrembakaning tiga destinasi wisata utama ingkang badhe dipun tengenaken inggih punika Danau Toba , Borobudur lan Mandalika. Supados saged ngindakaken cacahing wisatawan 20 yuta tiyang ngantos taun 2019. ( Yuki Pramudya )
Artikel Terkait
Berita Terbaru
