Jiarah Dhateng Makam Dr Wahidin Soediro Hoesodo

Sleman, www.jogjatv.tv Mengeti Hari Pahlawan Nasional, pejabat Muspida Sleman, nindakaken upacara bendera sarta jiarah dhateng pasareyanipun Doktor Wahidin Sudiro Husodo, ing Jalan Magelang Kecamatan Mlati Sleman.

Jiarah kapurwakan upacara penghormatan arwah pahlawan kanthi inspektiur upacara Kapolres Sleman, AKBP Farid Zulkarnain. Sasampunipun upacara, kalajengaken ngintun dhateng pasareyanipun Doktor Wahidin Sudiro Husodo.

Miturut Penjabat Bupati Sleman, Gatot Saptadi, jiwa kepahlawanan masyarakat Indonesiaa mliginipun para mudha tansaya luntur awit asring dumados berdondi ing antawisipun kelompok. Awit saking punika, pengetan Hari Pahlawan samangke kaajab nggunggah semangat maneka pehak kangge nulad perjuwangan pahlawan, kanthi nindakaken kridha ingkang murakabi tumrap masyarakat.

Bab sami ugi dipun telakaken dening buyut swargi Doktor Wahidin Sudirio Husodo, Doni Handono, samangke jiwa kepahlawanan warga Indonesia tansaya luntur, antawisipun kirangipun tata krama tumrap para mudha sarta saya lunturipun semangat juang masyarakat. Menawi bab punika saya ndadra, dipun kuwatosaken njalari ringkihing bangsa.

( Subardi )

Artikel Terkait

Goyang Cuci Tangan Pakai Sabun Untuk Kesehatan

10 November 2015 20:17

Bebingah Gunungan Kangge Gajah

10 November 2015 20:17

Pernikahan Beda Agama dalam Pandangan Islam dan Katholik

10 November 2015 16:55

Tumapak Mangsa Rendheng, Mutu Sata Mandhap

09 November 2015 20:11