Wisudhan Ketua Kwartir Cabang Pramuka

Kota Yogyakarta, www.jogjatv.tv Walikota Yogyakarta, Haryadi Suyuti , dinten Jemuwah (29/4) enjing, kawisudha minangka Ketua Kwartir Cabang (Kwarcab) Pramuka Kota Yogyakarta periode 2015 2020.

Wisudhan dipun tindakaken dening Ketua Kwartir Daerah (Kwarda) Pramuka DIY, GKR Mangkubumi. Salebeting kalodhangan kasebat ugi dipun tindakaken wisudhan pengurus majelis pembimbing , lembaga pemeriksa keuangan pramuka , pengurus kwarcab lan pengurus pramuka sanesipun. Sasasampunipun kawisudha, walikota lajeng misudha pengurus pramuka Kota Yogyakarta.

Ketua Kwarda Pramuka DIY, GKR Mangkubumi ngajab Walikota Yogyakarta, sageda grengsengaken kridhaning pramuka supados kreatif lan inovatif. Awit kathah kridha ingkang dipun gelar kamangka redana ingkang cumawis winates pramila para pengurus, kaajab boten namung njagakaken bantuwan saking pemerintah kemawon nanging kedah ngindakaken ekonomi lumantar pelatihan wirausaha. (Hari Atmaja)

Artikel Terkait

Solo Menari 24 Jam

02 Mei 2016 09:00

Lomba Senam Kreasi

02 Mei 2016 08:58

Gladhen Tari Kreasi

02 Mei 2016 08:56

Wayang Layang-Layang Buka Festifal Printemps Francais 2016

02 Mei 2016 08:54