WARGA & TNI SWADAYA MBANGUN GRIYA

Bantul, DIY www.jogjatv.tv Sinaosa bantuan perumahan sampun dipun cawisaken dening Kementerian Sosial, nanging kasunyatanipun, ngantos samangke taksih kathah kapanggihaken rumah tidak layak huni ingkang kacicir. Kathah warga miskin griyanipun dereng murwat, pramila mbetahaken bantuwan saking masyarakat sarta pehak swasta kangge ngentas kemiskinan.

Rumah swadaya layak huni, ingkang dipun bangun dening warga lan TNI kangge Atmo Dimejo, warga Priyan Trirenggo, Bantul, dipun kepyakaken dening Pelaksana Tugas Bupati Bantul, Sigit Sapto Raharjo, dinten Jemuwah (16/10) siyang. Saderengipun, Camat Bantul, Endang Rahmawati nampi lapuran wonten warga Priyan ingkang griyanipun dereng murwat, kamangka sakelangkung sepuh lan boten gadhah pamedal. Awit saking punika, Endang lajeng tembayatan kaliyan UPK Kecamatan Bantul lan MUI kangge ndandosi griyanipun Atmodimejo. Kanthi pawitan redana Rp. 10 yuta, Endang nyuwun bantuan Kodim 0729 kangge mbangun griyanipun Atmodimejo. Wondene Atmodimejo mratelakaken remen nampi bantuwan kasebat, awit ngantos samangke was sumelang menawi griyanipun rebah.

Komandan Kodim 0729 Bantul Letkol Tumadi mratelakaken pehakipun dipun suwuni bantuan tenaga saking Camat Bantul, kangge ndandosi griyanipun Atmodimejo. Pehakipun lajeng ngerigaken personilipun lan sadanguning 13 dinten pambangunan griyanipun Atmodimejo rampung.

( Anang Zainuddin )

Artikel Terkait

TRADISI SEBAR APEM SURAN

16 Oktober 2015 19:40

TARI KONTEMPORER JAWA KEKINIAN

16 Oktober 2015 19:39

SISWA YAYASAN AMAL INSAN MULIA SHOLAT ISTISQA

16 Oktober 2015 19:38

REGI LOMBOK ANJLOG, PETANI KAPITUNAN

16 Oktober 2015 19:37