Warga Antri Tumbas Sembako Mirah
Boyolali, www.jogjatv.tv Salah satunggal warganing DPR RI ngadani pasar murah sembako ing Boyolali, Jawa Tengah. Atusan warga mlempak dhateng pelataran Gedung Wanita Boyolali kangge tumbas sembako mirah.Wiwit dipun bikak. warga sami dhesuk-dhesukan supados saged mlebet tumbas sembako mirah. kepara petugas TNI lan polisi ngantos kuwalahan. Sawetawis warga ingkang nggendong yoganipun kependeng-pendeng lan wonten satunggaling simbah ingkang dipun aturi mlebet rumiyin awit melas sanget. Kangge tumbas sembako mirah warga kedah bekta girik lan foto copi kartu keluarga.
Kanthi mbayar 40 ewu rupiah. warga pikantuk paket sembako isi uwos 5 kilo, gendhis pasir sekilo lan lisah goreng 2 liter.Warga rumaos kabiyantu awit samangke regi kabetahan baku mindhak. dene samangke petani nemahi gagal panen.
Warga ngajab pasar sembakomurah sageda ajeg dipun gelar. kangge ngentheng-enthengi sesanggan masyarakat. awit reginipun langkung mirah tinimbang regi ing peken. ( Haryadi )
Artikel Terkait
Berita Terbaru
