Umi Pipiek Dakwah Lumantar Film Surga Menanti

Kota Yogyakarta, www.jogjatv.tv Umi Pipiek garwanipun swargi Ustadz Jefry Al- Buchory samangke nekuni pakaryan minangka pendakwah. Dakwah boten namung dipun tindakaken lumantar majelis pengaosan nanging ugi salebeting film. Umi Pipiek ingkang dados salah satunggaling paraga film Surga Menanti , dinten Rebo (25/5) siyang, ngestreni kridha bedah film dhateng satunggaling pawiyatan luhur ing Ngayogyakarta. Miturut Umi Pipiek film dangunipun 1,5 jam punika, kebak pitutur lan saged dipun tingali dening sinten kemawon kalebet lare-lare. Film Surga Menanti kanthi produser Hasto Broto punika, ngemot pitutur luhur. Film sengaja dipun stel saderengipun wulan siyam kangge njurung tiyang sepuh sarta lare-lare nresnani Al-Quran lan ngatamaken .

Wondene miturut Produser Eksekutif, Agus Riyanto, paraga film Surga Menanti inggih para artis lan pesinetron dene lampah pandameling film betahaken wekdal setaun. Film kasebat badhe dipun stel sesarengan tanggal 2 Juni 2016 dhateng sedaya bioskop ing Indonesia dene saperangan bebathen badhe dipun sumbangaken dhateng panti asuhan sarta kangge biyantu cetak Al-Quran braile kangge panandang tuna netra. ( Hari Atmaja )

Artikel Terkait

Ringgitan Sosialisasi Bebaya Narkoba

28 Mei 2016 10:20

Pikukuhan Sekolah Siaga Bencana

28 Mei 2016 10:17

Pawai Taaruf Dungkap Ramadhan

28 Mei 2016 10:15

Lokakarya PMI, Kompetensi Kehumasan

28 Mei 2016 10:12