Tari bathik
Sleman, www.jogjatv.tv — Kangge nepangaken Padhukuhan Plalangan, Desa Pandowoharjo, Kecamatan Sleman, Kabupaten Sleman, minangka teleng bathik, sawetawis warga ngripta Tari Bathik. Tari garapan enggal irah-irahan Tari Bathik dipun paragani dening penari wanita Warga Padhukuhan Plalangan, nalika pentas ing Baledesa Pandowoharjo. Tari kolosal punika nggambaraken ayahanipun para ibu ing wewengkon kasebat, inggih punika mbathik.
Miturut pembina, Aris Sutanto, tari kolosal sesirah mbathik punika gambaran pakaryanipun para ibu anggenipun nyanthing, mepe badhe bathik lan nyade wohing pakaryanipun. Miturut Aris, Tari Bathik asring dipun tanggap kangge ngregengaken maneka kridha dhateng sawetawis wewengon Sleman. Awit saking punika, garapan tari badhe dipun mekaraken amrih saya mranani tumrap pamirsa. ( Subardi )
Artikel Terkait
Berita Terbaru
