Tapa Bisu Mubeng Beteng

Yogyakarta, DIY www.jogjatv.tv Mahargya tumapaking warsa enggal Jawa 1949 Jimawal,ewonan warga lan abdi dalem Kraton Ngayogyakarta, malem Kemis (14/10) kalawingi nggelar lampah budaya kirab tapa bisu mubeng beteng.Kirab tapa mbisu punika dipun tindakaken kanthi mlampah ngubengi beteng Kraton Ngayogyakarta, tanpa ngendikan.

Tapa mbisu utawi semadi sinambi mlampah punika, inggih lampah adat turun tumurun ingkang dipun tindakaken dening warga lan abdi dalem, mliginipun kangge mahargya wulan Sura warsa enggal Jawa. Kirab tapa bisu kawiwitan kanthi mlempak dhateng Plataran Keben wewengkon Kraton Ngayogyakarta. Kejawi ngedumaken sekul gurih, para abdi dalem ugi ngedumaken sekar.

Wanci jam kalih welas dalu, lampah tapa mbisu mubeng beteng kawiwitan, nempuh lampah tebihipun gangsal kilometer, ngubengi beteng Kraton Ngayogyakarta. Sadanguning mlampah, pasarta tapa mbisu boten dipun keparengaken wicantenan, awit mahargya tumapaking warsa enggal Jawa inggih kanthi eninging jiwa, sinambi batos monjukaken donga dhateng Gusti.

Kejawi kangge mahargya warsa enggal Jawa, lampah punika ngiras kangge memetri budaya ingkang ngantos samangke tetep dipun tindakaken dening warga Ngayogyakarta.

Fauzan Ahmad

Artikel Terkait

Regi Sata Anjlog

15 Oktober 2015 19:39

Nggirah Kelambu Pasareyan Pangeran Samodra

15 Oktober 2015 19:39

Kirab Suran Kraton Surakarta

15 Oktober 2015 19:38

Kirab Kalih Pusaka Mahargya Sura

15 Oktober 2015 19:38