Siswa TK Sinau Ngocal Tetedhan
Klaten, www.jogjatv.tv Kangge nggladhi kaprigelaning lare wiwit alit,TK Pertiwi Keden, Kecamatan Pedan, Klaten, Jawa Tengah, saben seminggu sepisan nggladhi siswanipun ngocal tetedhan. Kangge kalodhangan samangke, sedaya siswa sinau damel hamburger. Kanthi dipun pandhu dening para koki saking salah satunggal restoran hamburger ing Klaten. Para siswa kanthi prigel damel hamburger laras kaliyan tuladhanipun. Salah satunggaling siswa, Fikri , nelakaken boten kanggelan anggenipun damel hamburger.
Miturut salah satunggaling guru tk pertiwi, Sriyatini, kawitanipun lare dipun ajak kangge damel tetedhan utawi unjukan ingkang gampil langkung rumiyin, kadosta damel unjukan teh, jus, lan nggoreng tempe, dene samangke damel hamburger. Kridha punika kanthi pangangkah supados lare saged langkung mandhiri sarta mengertos caranipun ngocal tetedhan piyambak. (Sri Haryadi)
Artikel Terkait
Berita Terbaru
