Sarana Prasarana Peken Tradisional Dereng Murwat
Sleman, www.jogjatv.tv Kejawi dados teleng kridha perekonomian rakyat, peken ugi dados papan kangge nggegulang demokrasi, antawisipun warga ingkang badhe tumbas saged ngawis regi. Awit saking punika peken tradisional kedah dipun tata malih supados resik lan tumata. Sinaosa makaten, saking panyemak Mantan Wakil Bupati Sleman, Yuni Rahayu, ngantos samangke, sarana prasarana dhateng 15 peken tradisional ing Sleman dereng murwat pramila kedah dipun dandosi.
Salah satunggal peken tradisional ing sleman ingkang dereng murwat inggih peken balangan kecamatan minggir, sleman. Payon peken risak sarta kathah kadang bakul ingkang sadeyan dhateng sajawining peken, ngginakaken paying sarta emplek-emplek. Kawontenan kasebat njalari peken katingal reged lan boten tumata.
15 peken tradisional ingkang sarana prasarana-nipun dereng murwat, antawisipun Peken Tradisional Cangkringan, Peken Tempel, Peken Balangan Ing Kecamatan Minggir, sarta Peken Colombo, Kecamatan Depok.
(Subardi)
Artikel Terkait
Berita Terbaru
