Regi Daging Lan Sayuran Mandhap

Klaten, www.jogjatv.tv Kalih dinten pungkasan regi daging lembu lan daging ayam ing Peken Induk Klaten mandhap. Miturut salah satunggaling bakul daging ayam , Harti, dungkap Dinten Riyaya Idul Fitri, regi daging ayam nggayuh Rp.45.000,00 samangke mandhap dados Rp.35.000,00 saben kilo dene regi daging lembu ingkang sakawit Rp.140.000,00 samangke mandhap dados Rp.110.000,00 saben kilo. Samangke regi daging mandhap awit kabetahan masyarakat suda dene pasudiyanipun cekap.

Kajawi regi daging lembu lan daging ayam, regi sayuran lan bumbon samangke ugi mandhap. Regi lombok abrit kriting ingkang nalika lebaran nggayuh Rp.40.000,00 mandhap dados Rp.10.000,00 saben kilo. Regi lombok rawit ingkang sakawit Rp.40.000,00 mandhap dados Rp.25.000,00 saben kilo dene regi timun, kobis lan maneka sayuran mandhap 2 ewu ngantos 3 ewu rupiyah saben kilo. Kosok wangsulipun regi kentang kepara mindhak. Sakawit Rp.11.000,00 samangke Rp.16.000,00 saben kilo. ( Purwanto )

Artikel Terkait

Lebaran Sapi

15 Juli 2016 14:37

HIPMI Tumemen Ngampingi Pengusaha Muda

15 Juli 2016 14:36

Sensasi Sate Klathak

14 Juli 2016 17:13

Lalu Lintas Gunungkidul-Yogyakarta Macet

14 Juli 2016 17:11