Pohon Perindang Badhe Dipun Tegor

Bantul, www.jogjatv.tv Kupiya pemerintahan enggal kangge mujudi ewah-ewahan ing Bantul saya dipun grengsengaken. Kawicaksanan enggal gagasan Bupati Bantul, Suharsono punika, pancen ngedab-edabi.Jalan Jenderal Sudirman ingkang papanipun edhum badhe dipun tata malih. Pohon perindang badhe dipun tegor sedaya saderengipun lebaran. Gagasan negori pohon perindang punika, awit pamrayogi saking maneka pehak ingkang mawas, bilih pohon perindang ingkang ageng-ageng kasebat sakelangkung bebayani tumrap warga.Wit-witan sepuh punika, mutawatosi rebah, menawi katiyup barat ageng.

Suharsono ngrantam, badhe ngewahi Jalan Jenderal Sudirman dados 2 jalur kanthi dipun watesi taman. Kejawi punika, dhateng sangajeng Peken Bantul ugi badhe dipun bangun taman melingkar lan grengsengaken car freeday ing dinten Minggu. Sinaosa nengenaken kawilujengan tumrap warga ingkang langkung, nanging kawicaksanan punika taksih nuwuhaken pitakenan sawetawis pehak.Negori pohon perindang, badhe njalari swasana kirang edhum kepara icalipun paru-paru kota. ( Anang Zainuddin )

Artikel Terkait

Nyuda Kapitunan,Taneman Pantun Dipun Degaken

22 Juni 2016 19:37

MEA Nuwuhaken Kapitunan Tumrap Indonesia

22 Juni 2016 19:35

Bazar Rasukan Mirah

22 Juni 2016 19:34

WPAP Timnas Jerman Wohing Pakaryan Mahasiswa UNS

22 Juni 2016 19:32