PKL Jalan Pangukan Badhe Dipun Tata

Sleman, www.jogjatv.tv Amrih resiking Kitha Kabupaten Sleman, Dinas Pasar Kabupaten Sleman badhe mranata Pedagang Kaki Lima (PKL), ingkang sadeyan dhateng sauruting Jalan Pangukan, Desa Tridadi, Sleman. Mratahipun PKL ing wewengkon kasebat njalari kawontenan semrawut lan kirang resep dinulu. Awit saking punika, para PKL badhe dipun damelaken selter mligi, supados langkung tumata.

Miturut Kepala Bidang Pembinaan dan Pengembangan Dinas Pasar Kabupaten Sleman, Haris Martopo, selterisasi tumrap para PKL dhateng sauruting Jalan Pangukan sampun absah dene pambangunanipun badhe dipun wiwiti Wulan September 2016 wondene Ketua Paguyuban Pedagang Kaki Lima Jalan Pangukan, Seniman nampi kanthi remen rantaman pambangunan selter mligi tumrap PKL , sauger boten ngedalaken wragat kathah. ( Subardi )

Artikel Terkait

Lomba Hafalan Pembukaan UUD 1945

10 Agustus 2016 18:56

Kerajinan Saking Koran Bekas

10 Agustus 2016 18:55

Yonif 403 Sawega Mbrasta Aksi Vandalisme

10 Agustus 2016 18:48

Sistem Tanam Jajar Legowo 2-1

10 Agustus 2016 18:46