Pendadaran Siswa Sasminto Mardawa

Yogyakarta, www.jogjatv.tv Kangge nambah wawasan lan pengalaman tumrap para siswa Yayasan Pamulangan Beksa Sasminto Mardawa (YPBSM) saben pungkasaning pamulangan dipun gelar pendadaran beksa tumrap para siswa. Kados ingkang dipun gelar salebeting pentas uji periode 32, mapan dhateng Pendhapi Pujakusuman, Pentas uji siswa ancasipun inggih kangge suka pengalaman pentas. Para siswa ugi ngangge busana beksa trep kaliyan beksan ingkang dipun paragani dene ing wekdal samangke inggih kangge para siswa ingkang sampun sinau sadanguning setunggal semester dhateng YPBSM, dipun gelar kalih dinten, tanggal 1 an 2 Juni 2016.

Sawetawis beksan ingkang dipun gelar inggih punika Golek Sulung Dayung, Golek Kenyatinembe, Golek Retno Asri, Beksan Cantrik, Baris Rampak, Wirogo Tunggal, lan Beksan Ayun-Ayun. Beksan kasebat inggih kangge para siswa umur Sekolah Dasar ngantos SMP dene kangge siswa diwasa putri nggelar Beksan Srikandhi Suradewati, Golek Bawaraga lan Srimpi Pandelori. Lampahing pendadaran pentas uji kawiwitan jam 15.000 WIB lan tetela narik kawigatosan. Pentas uji samangke inggih tumrap 155 siswa, lare- lare ngantos diwasa dene babagan ingkang dipun biji salebeting pentas uji antawisipun apalipun beksan, runtut, sengguh lan wiraganipun. ( Tim Liputan )

Artikel Terkait

Pasar Murah Sembako

07 Juni 2016 15:00

Pameran Seni Rupa Siswa

07 Juni 2016 14:58

Merti Dusun Kebondalem Prambanan

07 Juni 2016 14:56

Blanjan Kepala Sekolah Badhe Dipun Indhakaken

07 Juni 2016 14:53