Pangarsa Nagari Kaajab Njagi Lestarining Wewengkon

Klaten, www.jogjatv.tv Komunitas Sedulur Banyu Merapi ,Klaten, Jawa Tengah, dinten Rebo (17/2) enjing, nggelar kirab gunungan bidhal saking Tugu Perwari tumuju Kantor Pemkab Klaten. Sawetawis pasarta kirab ugi bekta poster ingkang gambaraken risaking tlatah Merapi. Miturut koordinator kridha, Wardiono ancasipun nggelar kirab gunungan, minangka wujud raos syukur awit lampahing wisudhan Sri Hartini lan Sri Mulyani minangka Bupati lan Wakil Bupati Klaten sarta kangge ngengetaken supados para pangarsaning nagari nengenaken lestarining wewengkon. Sedulur Banyu Merapi ugi ngajab supados Pemkab Klaten lan pehak ingkang kawogan, nandhangi tetiyang ingkang ngrisak zona konversi.

Salebeting kalodhangan kasebat, Komunitas Sedulur Banyu Merapi ugi ngajak ngaosi pemerintahan Jokowi ingkang tumemen nindakaken revolusi mental. (Purwanto)

Artikel Terkait

Mahasiswa Malaysia Blusukan Ing Karang Padhusunan

17 Februari 2016 19:14

Bupati Pinilih Kaajab Migatosaken Kawula Alit

17 Februari 2016 19:12

Atusan Warga Rebatan Jenang Nusantara

17 Februari 2016 19:11

Fashion Street Performance Bantul Darurat Sampah

16 Februari 2016 19:19