Panandhang Hydrocephalus Betah Bantuwan

Klaten, www.jogjatv.tv Ari Yulianto, satunggaling rumaja umur 24 taun saking Desa Sengon,Kecamatan Prambanan,Klaten, wiwit balita sampun nandhang hydrosepalus satemah wiwit alit namung saged tileman kemawon. Samangke Ari kepeksa dipun emong dening simbahipun awit bapakipun kedah makarya minangka berah bangunan dene ibunipun sampun tilar donya.

Winatesipun ekonomi kulawarga, njalari ngantos samangke sesakitipun dereng saged dipun usadani. Kades Sengon, Agus Sumaryono mratelakaken pehak desa sampun nempuh maneka kupiya, kanthi ngupiyakaken bantuwan inggih saking pemerintah utawi swasta. Sinaosa makaten pehak kulawarga ugi ngajab wontenipun bantuwan saking pehak sanes kangge ngentheng-enthengi sesangganipun kulawarga, mliginipun kangge lampah usada sesakitipun Ari. ( Purwanto )

Artikel Terkait

Pameran Batik Warna Alam

26 Oktober 2016 10:57

Mardi Wuto Tansah Ndayakaken Tunanetra

26 Oktober 2016 10:56

Karnaval Budaya,Kepyakan Kampung Panca Tertib

26 Oktober 2016 10:54

Warga Jepang Bersihkan Coretan Vandalisme Di Jogja

26 Oktober 2016 09:15