Pameran Produk Out Door Karya Anak Bangsa
Kota Yogyakarta, www.jogjatv.tv Tumrap sutresna kegiatan alam, sampun ngantos katalompen ningali pameran produk out door ageng piyambak ing Indonesia. Kangge kaping kalihipun, Jogja Outdoor Show dipun gelar ing kota yogyakarta. Festival dipun sengkuyung 50 produsen peralatan outdoor lokal karya anak bangsa.
Sasampunipun dipun gelar ing Jakarta, Indonesia Outdoor Festival dipun gelar ing Kota Yogyakarta. Pameran ageng piyambak ingkang nyawisaken produk lan peralatan para pecinta alam punika, dipun gelar ing GOR UNY Yogyakarta.
Kajawi boot produk enggal piyambak out door, para pamirsa ugi saged tumbas maneka produk ingkang reginipun langkung mirah, antawisipun tas gunung,sepatu, tandha netra lan tenda tumrap pendaki gunung.
Mboten namung nyawisaken piranti mligi tumrap para pecinta kegiatan alam, produk out door punika, samangke ugi dipun remeni dening para wanita jalaran awet lan trep dipun angge kangge kridha padintenan.
Festival samangke kaajab njurung masyarakat saya remen ngginakaken produk out door, mliginipun karya anak bangsa ingkang mutunipun tansaya sae.
Kajawi pameran produsen peralatan outdoor tanah air, salebeting festival ugi dipun gelar coacing clining sesarengan para atlet panjat nasional. Festival outdoor dipun gelar sadangunipun 4 dinten. Angkahipun dipun dhatengi gangsal welas ewu warga kanthi omset wolung milyar rupiah. ( Fauzan Ahmad )
Artikel Terkait
Berita Terbaru
