Pagelaran Ringgit Kancil Rebut Banyu Tanpa Isi

Sleman, www.jogjatv.tv Saya susutipun mutu sumber toya ing Kitha Ngayogyakarta nuwuhaken raos prihatos saking maneka pehak. Salah satunggalipun inggih saking Puskat Yogyakarta. Kangge mbiwarakaken dhateng masyarakat bab pigunanipun ngreksa wewengkon, taun samangke Puskat nggelar pagelaran ringgit kancil kanthi lampahan Tanpa Rebut Banyu Isi ingkang magepokan kaliyan lestarining wewengkon, mapan dhateng Balai Budaya Sinduharjo,Ngaglik, Sleman. Ringgit kancil kanthi paraga para sato kewan kadosta baya, macan, gajah, kethek, kancil lan sanes sanesipun, kanthi dening dhalang Ki Triyanto Genthong Hapsoro, dipun pilih kangge sesuluh bab wigatinipun ngreksa lestarining wewengkon, mliginipun njagi mutuning toya, inggih ing lepen punapadene sumber toya sanesipun, ngengeti samangke ing Kitha Ngayogyakarta sumber toya resik saya mrihatosaken.

Biwara ingkang dipun tata kanthi pagelaran ringgit kancil punika ing pangangkah supados langkung gampil dipun tampi dening lare lan wiranem lumantar sanggit cariyos fabel.

Kejawi pagelaran ringgit kancil, taun samangke puskat ugi nggelar Festival Film Puskat sesirah Ekologi Dan Kelestarian Lingkungan lan tetela saged narik 109 pasarta saking saindenging Indonesia. Kaajab lumantar kridha ajeg taunan kados makaten, saged kangge nuwuhaken kesadaran masyarakat kangge ngupakawis lan memetri wewengkonipun. ( Fauzan Ahmad )

Artikel Terkait

Festival Budaya Menoreh

20 Oktober 2016 10:54

Coblosan Ketua RT

20 Oktober 2016 10:52

Bersih Desa Wonosari Trucuk Klaten

20 Oktober 2016 10:48

Target PON Meleset, Ganjar Minta KONI Jateng Evaluasi

11 Oktober 2016 09:19