Ondhe-Ondhe Ketawa

Klaten, www.jogjatv.tv Panjenengan remen kuweh, kadosta ondhe-ondhe, prayogi ngicipi ondhe-ondhe ketawa. damelan Sri Purwahyuni, warga Desa Talang, Kecamatan Bayat, Klaten, Jawa Tengah. Gatra ondhe-ondhe limrahipun bunder, nanging onde-onde damelan Ketua Penggerak PKK Desa Talang kasebat gatra bintang, pramila dipun sebat ondhe-ondhe ketawa. Ngocal ondhe-ondhe ketawa sami kados ngocal ondhe-ondhe ingkang bunder. Bahan bakunipun, gandum, gendhis pasir lan tigan. Bahan kasebat dipun jladreni nuli nuli dipun uleni ngantos kalis. Salajengipun jladrenan nuli dipun glindhingi lan dipun sukani wijen. Saderengipun dipun goreng ondhe-ondhe dipun gunting malang mujur. Kanthi nekuni usaha damel ondhe-ondhe ketawa sawetawis taun pungkasan, Sri Purwahyuni saged nambah pamedal kulawarga sarta ndayakaken warga sakiwa tengenipun.

Ondhe-ondhe ketawa winates dipun sade dhateng tlatah Klaten dene reginipun Rp 2.000,00 saben wungkus, isi 6 iji. Saben dinten, Sri Purwahyuni ngocal setengah kwintal gandum kangge damel ondhe-ondhe atusan wungkus. (Haryadi)

Artikel Terkait

Budidaya Pisang Bebatheni

04 Februari 2016 19:20

Bantuwan Puluhan Ewu Bibit Taneman

04 Februari 2016 19:18

Anomali Cuaca,Uwit Woh Naga Boten Mawoh

04 Februari 2016 19:18

Uwit Preh, Umur Atusan Taun Rebah

04 Februari 2016 19:16