Lontong Cap Go Meh

Solo, www.jogjatv.tv Masyarakat Tionghoa ing Kitha Solo, Jawa Tengah, gadhah tradisi nedhi tetedhan mirunggan, dungkap gangsal welas dinten sasampunipun pahargyan imlek utawi Cap Go Meh. Inggih punika, Lonthong Cap Go Meh, kuliner pralambang akulturasi.

Nalika pahargyan Cap Go Meh, lonthong Cap Go Meh kathah dipun sade dhateng Peken Gedhe, Solo, Jawa Tengah. Raos sarta bahan baku Lonthong Cap Go Meh kados damel kupat ingkang dipun cawisaken nalika Dinten Riyadi Idul Fitri. Lonthong dipun cawisaken mawi lawuh tigan, sayur kates, bung, ayam suwir lan sambel goreng .

Miturut Pengurus Klenteng Tien Kok Sie Peken Gedhe Solo, Henry Susanto, tetedhan kasebat sampun wonten wiwit abad kaping 14.

Henri ugi mratelakaken, kuliner kasebat dipun cawisaken minangka pasugatan penutup Cap Go Meh. Rikala semanten andhahanipun Cheng Ho, inggih satunggaling Umat Muslim, madosaken tetedehan penutup lonthong kangge Cheng Ho, tetedhan kasebat lajeng dipun sebat Lontong Cap Go Meh .

Santen ingkang kentel dados pangemba kerukunan antawisipun Warga Tionghoa kaliyan Tiyang Jawi, wiwit jaman kawuri ingkang sampun lumampah puluhan abad.

(Heru Kristiyanto)

Artikel Terkait

Lomba Siswa Berprestasi

23 Februari 2016 18:56

Cecawisan Ngadhepi Popda, Bantul Nggelar Popkab

23 Februari 2016 18:55

Warga Solo Dukung Rio Haryanto

19 Februari 2016 20:04

Ribuan Kepala Sekolah Tanda Tangani Pakta Integritas

19 Februari 2016 20:03